Біз біргеміз!
«Көрмейін десем көзім бар» демекші, жауын-шашынның көп түсуінен немесе қардың күрт еруінен болған аймақтардағы ахуал бәрімізге аян, барлық әлеуметтік желі арқылы еліміздің өңірлеріндегі жағдай мүшкіл екенін де біліп отырмыз, алайда қол қусырып отыратын уақыт емес, «Бір жағадан бас, бір жеңнен қол шығаратын» кезде еліміздің Президенті Қасым-Жомарт Тоқаевтың көмек беру шараларын үйлестіру, зардап шеккен адамдарға қол ұшын беру, халықты қауіпсіз жерге көшіру, уақытша орынмен қамтамасыз ету туралы айтылған сөздерін қолдап, ұжым болып қолдан келетін барлық іске даяр екенімізді жеткізгіміз келеді. «Жұмыла көтерген жүк жеңіл» демекші аянып қала алмаймыз. Сонымен қатар, зардап шеккен адамдарға көмек беріліп, бүлінген мүлкінің орны толар, бастысы халықты аман сақтау керектігін айтуы – елімізге деген қамқорлық, біз де қолдаймыз, яғни көмек беруге даярмыз. Біз сіздермен біргеміз!