2023 жылдың 5 қазанында, біздің мектебімізге Алматы қаласының білім саласында сапаны қамтамасыз ету департаментінің қызметкері арнайы келіп, ұжымымызды Ұстаздар күнімен құттықтады

Бүгін, 2023 жылдың 5 қазанында, біздің мектебімізге Алматы қаласының білім саласында сапаны қамтамасыз ету департаментінің қызметкері арнайы келіп, ұжымымызды Ұстаздар күнімен құттықтап, Оқу-ағарту министрі Ғани Бейсембаевтың Алғыс хатын табыстады. Бұл біздің ұстаздарымызға деген үлкен құрмет. Өз құттықтауында биыл педагогтердің кәсіби мейрамы ресми түрде бекітіліп, Халықаралық мұғалімдер күніне сәйкес 5 қазанда аталып жатқанын айтып кетті. 

Бүгінде Ұстаз мәртебесін көтеретін заң қабылданып, мұғалімдердің біліктілігін арттыруда көптеген жеңілдіктер жасалып жатыр. №97 мектептің ұжымы осы болып жатқан өзгерістерге өз ризашылығын білдіре отырып,  ұрпақ тәрбиелеу жолындағы атқарылып жатқан толымды еңбектеріңізге шын пейілмен алғыс айта отырып, отбасыларыңызға амандық, дендеріңізге саулық тілейді.